2016 ഒക്ടോബർ 7 വെള്ളി* *അംഗത്വ ദിനം*

السلام عليكم...
*പ്രീയ കൂട്ടുകാരാ...*
         നീതിയും അനീതിയും തമ്മിലുള്ള സംഘർഷം എങ്ങും കനത്തതായി മാറുന്നു. നേരും നെറികേടുകളും തിരിച്ചറിയാത്ത പ്രക്കൂട്ടിക്കുഴക്കപ്പെട്ടു കൊണ്ടേയിരിക്കുന്നു. ശ്ലീലാശ്ലീലങ്ങളെ വേർതിരിച്ചറിയാനാവാതെ യൗവ്വനം കുഴഞ്ഞു വീണു പോവുന്നു..
ലഹരിയുടെ കൈ വഴികളെ തിരിച്ചറിയാനാവാത്ത വിധം നിറം കൊടുക്കപ്പെട്ടിരിക്കുന്നു. കുതന്ത്രങ്ങൾ മെനഞ്ഞു ചാണക്യൻമാർ അധികാര കസേരകളിൽ ആസനസുഖസ്തരാകുന്നു. തിരുത്താനിറങ്ങേണ്ടവർ കാലത്തിന് നേരെ കലികാലമെന്നുരിയിട്ട് ആത്മ സംതൃപ്തരാവുന്നു. ആരുണ്ട് എതിരിടാനെന്ന് കാലം നെഞ്ചിൻ കൂടിനു നേരെ വിരൽ ചൂണ്ടുമ്പോൾ ഉത്തരം കൊടുക്കാൻ സധീരരായി ഇറങ്ങിപ്പുറപ്പെട്ടവരാണ് *SSF*കാർ. അലോസരങ്ങൾ സൃഷ്ടിക്കുന്ന വാക്കുകളുയർത്തി അസൂയ സൃഷ്ടിക്കുന്ന കർമ്മങ്ങളാൽ അനീതികൾക്കെതിരെ ഒത്തുതീർപ്പാവാതെ നീതിയുടെ തീർപ്പുകളായി ഏത് കാലത്തും ഏത് തെരുവിലും രണശൂരതയുടെ കൊടിയടയാളങ്ങളായി *SSF*കാരുണ്ടായിട്ടുണ്ട്.
സമരം കലാപങ്ങളും നശിപ്പിക്കലുകളും കൊലപാതകങ്ങളും സ്ഫോടനങ്ങളും പൊട്ടിത്തെറികളുമായി പരിണമിക്കപ്പെടുന്ന കാലത്ത് സമരമെന്ന വാക്കിനെ പുനർനിർണയിച്ചിട്ടുണ്ട് *SSF.* മത ചിന്തകളിൽ യുക്തിവാദം കൂട്ടിക്കലർത്തി വിശ്വാസി സമൂഹത്തിനു നേരെ അപഭ്രംശമാരോപിച്ചവർക്ക് മതയുക്തി കൊണ്ട് ചാട്ടുളി പ്രവാഹ പ്രഹരമേൽപ്പിച്ചിട്ടുണ്ട് *SSF.*
മതത്തെ അധികാരം നേടാനുള്ള രാഷ്ട്രീയ പ്രത്യാശാസ്ത്രമായി ചുരുട്ടിക്കെട്ടിയ മൗദൂദിയൻ പൗരോഹിത്യ മതത്തിന്റെ ചാപല്യങ്ങളെ തുണിയുരിഞ്ഞിട്ടുണ്ട് *SSF.*
മനുഷ്യർക്കിടയിൽ വിഭാഗീയതയുടെ കാളകൂട വിഷം ചുരത്തുന്ന വർഗീയ സൂത്രങ്ങളെ സൗഹൃദങ്ങളുടെ ബദലുകളിലൂടെ ചെറുത്ത് തോൽപ്പിച്ചിട്ടുണ്ട് *SSF.* ഇനിയും ഇനിയുമീ തെരുവിൽ നിന്നുയരുന്ന പ്രശ്ന സങ്കീർണതകളെ ചെറുത്ത് തോൽപ്പിക്കാൻ ധാർമ്മികതയുടെ ഉരുക്കു കൈകൾ ഉയർന്നു വരേണ്ടതുണ്ട്. വിദ്യാർത്ഥി യൗവ്വനങ്ങളുടെ മസ്തിഷ്കം മയക്കുന്ന മദ്യ ലഹരി മരുന്നുകളുടെ കാണാ കയങ്ങളിലേക്ക് പുതു തലമുറയെ വലിച്ചെറിയുന്ന മാഫിയക്കൈകളെ പിടിച്ച് കെട്ടേണ്ടതുണ്ട്. സമാധാനത്തിന്റെ വെള്ളരിപ്രാവുകൾക്ക് കഴുകൻ തൂവലുകൾ തുന്നിച്ചേർക്കുന്ന മതരാഷ്ട്ര സിദ്ധാന്തങ്ങളെ തകർത്തു തരിപ്പണമാക്കേണ്ടതുണ്ട്. എല്ലാ അനീതികൾക്ക് നേരെയും നെഞ്ച് വിരിച്ച് ഒച്ച വെക്കാൻ അനീതികളോട് തീർപ്പുകളാവാത്ത വിദ്യാർത്ഥി യുവത്വം ഓരോ തെരുവിൽ നിന്നും ഇനിയുമിനിയും ഉയർന്നു വരേണ്ടതുണ്ട്. കേരളത്തിന്റെ ഓരോ തെരുവിനേയും നന്മയുടെ, സ്നേഹത്തിന്റെ, സൗഹാര്‍ദ്ദത്തിന്റെ തണലിടമാക്കേണ്ടതുണ്ട്.

ധർമ്മ സാരഥി. .... ഇനിയുമൊരായിരം കൈകളിൽ ഹരിശ്വേതനീലമുയർന്നു പറക്കേണ്ടത് കാലത്തിന്റെ ആവശ്യമാണ് എന്ന തിരിച്ചറിവിൽ നിന്നാണ്  ഈ സതീർത്ഥ്യ സംഘത്തില്‍ നിങ്ങളും അണിചേരണമെന്ന് ഞങ്ങളാശിക്കുന്നത്...

*"ഒത്തുതീർപ്പല്ല;*
*നീതിയുടെ തീർപ്പുകളാവാൻ..."*

*2016 ഒക്ടോബർ 7 വെള്ളി*

        *അംഗത്വ ദിനം*

*```ssf chavakkad sector```*